Epokë e re për turizmin shqiptar, sfidë stafi i kualifikuar! Sekretari i OBT: Akademi në Tiranë për studentët e turizmit! Gonxhja: Paketë ndihme, emigrantët të investojnë në veri

Ministri i Ekonomisë, Blendi Gonxhja tha se do të ketë një paketë të re zhvillimi për turizmin, dhe në fokus do të jetë kthimi i emigrantëve në veri

‘Ne do të punojmë shumë për sistemin e transportit ndërqytetës, për një rrjet ndërlidhës më të mirë. Po punojmë për një program të ri për turizmin malor dhe për zhvillimin e zonave malore. Duam ta shtrijmë turizmin në të gjithë vendin dhe përgjatë gjithë vitit. Po bëjmë një paketë mendojmë ta quajmë ‘investo në tokën tande’ për pjesën e veriut, ku do të thërrasim emigrantët, që do të kenë një paketë, do i nxisim të investojnë në zonat e largëta, dhe do të kenë shumë lehtësi. Do të shtytës ekonomik për këto zona, por edhe një kthim në vendin tonë.’- tha Gonxhe.

Foto: Natalia Bayona

Drejtuesja e organizatës Botërore të Turizmit,Natalia Bayona, zgjodhi të vishej me konstumin tradicional me simbolet e xhubletës për të promovuar investimet në Shqipëri

" Xhubleta është veshje tradicionale shqiptare, gratë e veshin në fejesa, në dasmë, apo në ceremoni të rëndësishme. Po promovojmë investimet,  mendova ta vesh këtë kostum tradicional e dashuroj, dhe në fund të ditës mendoj se investimet në biznese të vogla janë të rëndësishme. 

Arsyet kryesore se pse ky vend është tërheqës. Është klima liberale, ke mundësi 100% të drejtë pronësie, ndihmon ligji i posaçëm për turizmin, apo ligji për investimet strategjike. Sektorët ku investohet janë nga aeroportet, portet, marinat apo infrastrukturë. Kemi një politikë novatore kur flasim për investimet e gjelbra. Përmes ligjit të investimeve strategjike, janë mbështetur investimet në këtë sektor, prandaj keni pasur edhe 10 milionë turistë. Kemi një ligj të posaçëm për inovacionin, ka më shumë se 154 start up, dhe vendi ka edhe më shumë hapësirë, për të përfituar teknologji të reja për këtë sektor për ta bërë vendin inovativ.

Shqipëria po ofron diçka thelbësore, dhe nuk ka të bëjë vetëm me investim për hir të investimit. Objektet turistike janë rritur me 23% në vitin 2022, janë rritur me 8600 dhoma turistike, kemi zona të mbrojtura, keni gastronomi të shkëlqyer, jemi frymëzuar. Është vendi që po rritet me 53% në turizëm, më shumë se gjithë Evropa. 

Shqipëria është një destinacioni tërheqës për investimet në turizëm, shifrat flasin vetë, dhe performanca është shembull që japin besim. Jemi këtu për të bashkëpunuar për të gjetur oportunitetet e duhur. Le ti japim vlerë këtij sektori të rëndësishëm për ekonominë"

Sekretari i Përgjithshëm i Organizatës Botërore të Turizmit, Zurab Pololikashvili ka bërë me dije se në Shqipëri do të ngrihet qendra e edukimit të studentëve të mikpritjes me në fokus edukimi turistik.

'Mund të kemi miliona turistë, por kush do t’i shërbejë atyre? Këtu kthehemi tek kapitali njerëzor. Çdo 10-20 dollarë e investuar në edukim, të kthehet shumë fish pas. Kemi rënë dakord me kryeministrin dje që do krijojmë një qendër edukimi në Shqipëri që do ti shërbejë rajonit. Shkollat i kemi në Evropë, por kjo nuk është e përballueshme për të gjithë. Ne kemi bërë që në partnetritet me emra të mëdhenj kemi përgatitur akademinë tonë. Kemi prani në shumë vende, dhe duam që të jemi edhe në tiranë, që tu ofrojmë studentëve të mikpritjes të mësojmë. Duhet të mësojmë studentët në mikpritje, pasi edukimi është shumë i rëndësishëm në turizëm.'- tha Pololikashvili.

Lajmi në përditësim...